21 ottobre 2002, Roma, Consolato di Francia.
E’matrimoni.
Me, e’ pö dês, a srò a l’antica,
mo stal röb a n li mènd zo,
e se nench u n vêl ‘na cica,
quel ch’a pens a v’a dirò.
L’è suzëst du tri dè fa
int e’ Cunsulêt dla Frânza…
….. ‘sa vùt dì, u s véd che a là
i arà ciap sta brota usânza…
tnèndla curta, u j’ éra du
ch’j’ è vnu fura da e’ purton,
(l’éra int e’ giurnêl d’incù,
nench int la television),
cun j’ amigh, cun i parent,
i curius che j’ è andé a vdé,
tot avstì, tot eleghent,
parchè i s’éra maridé.
E cun quest? U n’è nurmêl?
Me a n direb, s’a n’a’ cardì
guardì vó, cumprì e’ giurnêl:
j è du mësč, ……ben, u s fa par dì!
U j’è nench e’ president,
cun la su delegazion,
zent ch’i sta int e’ Parlament,
vânt e unór par la nazion!,
söci tot d cl’asuciazion
par e’ sport e par la caza,
che l’à nench una sezion
ch’u i sta dentar tot sta raza.
El un sport? Mo elóra dgìl!
S’a fasen’ al prupurzion
nench la squêdra de Brasil
la n sa fê a zughê e’ palon!
Int la su specialitê,
s’a i manden tot quènt in grop
par e’ mònd a garegê,
i s ven a ca cun do tre cop!
"Mo sta’ zèt, fàla finida!
In Amërica i l pö fê,
in Ulânda pu i s marida,
mo vargögnat, t’cì antiquê!"
Vó a dgì ben, mo s’ in vegh on,
u m s’aveja nench l’aptit
e a m’arven la digestion,
me a sò acsè, a n’i pos fê gnit!
E’ vrà dì ch’a n sò nurmêl
e che tot st’antipateja
l’è pr’un fat mi parsunêl,
una spézia d malateja.
A m’arcurd un prufesór,
tânt temp fa, ch’andéva a scôla,
spès e’ dgéva, (ins e’ mi unór
a n’u v stëgh cuntènd ‘na fôla!,
l’éra un tip uriginêl
ch’l’éra a que dal nöstar zön),
"Me nurmêl?! A n sò nurmêl,
me, burdel, u m piés al dön!"
Franco d Sabaden
Il matrimonio
Io, può darsi, sarò all’antica,
ma queste cose non le mando giù,
e se anche non vale una cicca,
quello che penso ve lo dirò.
E’ successo due tre giorni fa
nel Consolato della Francia…..
….. che vuoi dire, si vede che là
avranno preso questa brutta usanza….
tenendola corta, c’erano due
che sono venuti fuori dal portone,
(era nel giornale di oggi,
anche nella televisione),
con gli amici, con i parenti,
i curiosi che sono andati a vedere,
tutti vestiti, tutti eleganti,
perché si erano sposati.
E con questo? Non è normale?
Io non direi, se non lo credete
guardate voi, comprate il giornale:
sono due maschi, ….. beh, si fa per dire!
C’è anche il presidente
con la sua delegazione,
gente che sta nel Parlamento,
vanto e onore per la nazione!,
soci tutti di quell’associazione
per lo sport e per la caccia,
che ha anche una sezione
che ci sta dentro tutta questa razza.
E’ uno sport? Ma allora ditelo!
Se facciamo le proporzioni
anche la squadra del Brasile
non sa fare a giocare a pallone!
Nella loro specialità,
se li mandiamo tutti quanti in gruppo
per il mondo a gareggiare,
tornano a casa con due tre coppe!
"Ma sta’ zitto, falla finita!
In America lo possono fare,
in Olanda poi si sposano,
ma vergognati, sei antiquato!"
Voi dite bene, ma se ne vedo uno,
a me se ne va anche l’appetito
e mi rovino la digestione,
io sono così, non ci posso fare niente!
Vorrà dire che non sono normale
e che tutta quest’antipatia
è per un fatto mio personale,
una specie di malattia.
Mi ricordo un professore1,
tanto tempo fa, che andavo a scuola,
spesso diceva, (sul mio onore
non vi sto raccontando una favola,
era un tipo originale,
che era qui delle nostre zone),
"Io normale?! Non sono normale,
a me, ragazzi, mi piacciono le donne!"
Franco Ponseggi
NOTE.
1. Prufesór: si tratta del professor C........., insegnante di Scienze al Liceo
Classico "Trisi Graziani" di Lugo negli anni 1969-1970.