La partida a e’ bar.

 

Tugnaz e Frazchen, cun Töni e Mingon,
e’ sàbat séra a e’ Bar di Cuntaden
i s zuga una galena e du tachen
cun una partidena a brisculon.

Un timpurêl! La luz la va e la ven,
a e’ bur Tugnaz e’ và a zirchê a taston
i sulfanen, mo e’ dà un fat scapuzon,
ch’ e’ chësca in tëra, e’ sbat la testa e e’ sven.

I l pôrta a e’ bsdêl, a lè e’ dutór l’è pront,
u l visita e pu e’ dìs: "L’è un bròt paciar,
a que l’à un tai e un gnöch ch’ e’ pêr’ un mont!"

U s scida lò, che pensa d rësr’ a e’ bar,
e u l sent che dìs: "A que u i vô quàtar pont!",
"Eh nö", e’ fa lò, "a que u i vô brèscla o un car!"

Franco d Sabaden

 

 

 

 

La partita al bar.

 

Tugnàz e Frazchen, con Toni e Mingon,
al sabato sera al Bar dei Contadini
si giocano una gallina e due tacchini
con una partitina a briscolone.

Un temporale! La luce va e viene,
al buio Tugnàz va a cercare a tastoni
i fiammiferi, ma inciampa in modo tale,
che cade in terra, sbatte la testa e sviene.

Lo portano all’ospedale, lì il dottore è pronto,
lo visita e poi dice: "E’ un brutto pasticcio,
qui ha un taglio e un bozzo che sembra un monte!"

Si sveglia lui, che crede di essere al bar,
e lo sente che dice: "Qui ci vogliono quattro punti!",
"Eh no", fa lui, "qui ci vuole briscola o un carico!"

                              Franco Ponseggi

Home